Tulong-Tuloy para sa mga Nasalanta: Relief at Serbisyong Medikal Ipinagkaloob sa mga Bayan sa Cavite
“Ang serbisyong mula sa bayan, para sa Bayan.”
Patuloy ang pagbuhos ng suporta at serbisyo para sa mga kababayan sa Noveleta, General Trias, Tanza, Ternate, Maragondon, at Magallanes sa lalawigan ng Cavite — mga lugar na matinding sinalanta ng nagdaang bagyo at hanggang ngayon ay nakararanas pa rin ng epekto nito.
Sa pakikipagtulungan ng mga lingkod-bayan, katuwang ang mga lokal na pamahalaan at mga volunteer groups, isinagawa ang relief operations kung saan namahagi ng relief goods, hygiene kits, at nagsagawa ng libreng medical checkup para sa mga apektadong residente.
Ang hakbanging ito ay layuning hindi lamang matugunan ang agarang pangangailangan ng mga mamamayan, kundi maipadama rin na hindi sila nag-iisa sa panahon ng krisis. Sa bawat pakete ng tulong at bawat konsultasyong medikal, dala ang malasakit at tunay na diwa ng bayanihan.
Sa kabila ng mga hamon, nananatiling matatag ang komunidad—pinapatunayan ng pagkakaisang ipinakita ng mga kawani ng pamahalaan, volunteers, at ng mismong mamamayan.
Ang mga ganitong pagkilos ay paalala na ang tunay na serbisyo ay hindi nasusukat lamang sa salita, kundi sa konkretong aksyon at pagtindig kasama ang mga nangangailangan.
(Photo Credit : Francisco Gabriel ” Abeng ” Remulla FB Page)
