Kauna-unahan sa Cavite :P2P Bus mula Imus hanggang NAIA
Umarangkada na ang kauna-unahang premier point-to-point bus service mula Imus hanggang Ninoy Aquino International Airport (NAIA) Terminal 1, 2, 3 at 4 ng UBE Express, sa pakikipagtulungan sa Pamahalaang Lungsod ng Imus, nitong Lunes, Nobyembre 18, 2024, sa The District Imus.
Pinangunahan nina Congressman Adrian Jay “AJ” C. Advincula, Imus City Mayor Alex “AA” L. Advincula, Lina Group of Companies Chairman Alberto Lina, UBE Express President Garrie David, at AyalaLand Malls, Inc. Transportation Terminal Senior Associate Manager Ivan Bautista ang naturang paglulunsad.
Dumalo rin sa okasyon sina Overseas Workers Welfare Administration (OWWA) Administrator Arnell Ignacio, Land Transportation Franchising and Regulatory Board (LTFRB) Region IV-A Regional Director Loumer Bernabe, Imus City Vice Mayor Homer “Saki” T. Saquilayan, mga konsehal ng lungsod, at iba’t ibang alkalde mula sa Cavite.
Handog ng lokal na pamahalaan ang libreng sakay sa unang 50 pasahero, at magpapatuloy ito hanggang Linggo, Nobyembre 24, 2024, hatid ng Team AJAA.
Mula Nobyembre 25 naman, ipatutupad na ang P300 pamasahe, habang P150 para sa overseas Filipino workers.
